O Sábado 14 de Febreiro, có Entroido a piques de caer, a asociación O PiPote celebrará a ” 2ª Festa das Olas” na Praza das Toldas de Maceda.  A cita será a partires das 6 da tarde, e os presentes acudirán ataigados cós seus disfraces para participar no “Xogo das Olas” , que consiste en lanzarse polo aire uns a outros as “Olas” artesanas recheas de todo tipo de sorpresas. O menos mañoso, será penado cando menos, pagando unha rolda de viños para o resto dos participantes. Ante a boa acollida que tivo o ano pasado, a asociación contará de novo con animación musical en directo (aínda sen concretar) así como viño, licor, empanada, pinchos… Unha tarde de diversión e risas asegurada. Achégate e  participa, pero vélate para non romper ningunha ola, ou vai preparando a “pita” !!

Queremos dedicarlle un oco na nosa páxina ó entroido de Laza. Un ano máis, membros da asociación “o Pipote” xunto con amigos e achegados desprazarémonos ó noso pobo veciño para participar no dia grande “o Luns de Entroido”!!!
Xa pola mañá meterémonos de cheo na praza da Picota a participar na farrapada ata non coñecernos uns a outros. Logo dunha intensa mañá hai que repostar enerxía na tenda de alí abaixo non sen antes pasar polo forno do pan. Tampouco me esquezo da señora que nos pon a bica na ventá e nos insiste en que pikemos dela, que ben boa que estaba por certo,moitas grazas!!
Logo de repoñer forzas percorremos os bares do pobo degustando o licor café de cada un deles non sen antes faerlle unhas tiradiñas o “chimpa o cacique”  jaja!!
Contra a media tarde subimos ata “cima da vila” onde xa hai alguns “peliqueiros” e “a morena” preparada para encher de formigas a multitude da picota!!
Logo dun intre baixamos ata a abarrotada “picota” na que momentos despois aparecen os “peliqueiros” seguidos pola “morena” que cisca millóns de formigas o seu paso!!A praza e unha festa ata ben entrada a noite!!
“O Pipote” sempre con Laza.  Aburiño!!

Na tarde do día 27  de Decembro partiron cara A Coruña 3 autobuses dende Maceda para presenciar o encontro entre a Selección Galega de Fútbol e a Selección de Irán.  A viaxe ata A Coruña transcorreu con normalidade excepto algún apuro na vexiga dos ocupantes dos autocares que non dubidaron un intre en manifestarse de forma pacífica contra o conductor que tivo que ceder e facer unha parada técnica.

Nada mais chegar tivemos unha hora de tempo de lecer que aproveitamos para mercar bufandas e indumentaria para o partido así como comida e bebida para superar con forzas esta xornada deportiva.

Pouco antes de comezar o encontro chegaban ás inmediacións do estadio  Siareiros Galegos e centos de acompañantes que de forma pacífica protagonizaban unha manifestación que percorrían as rúas da cidade. O rematar a manifestación e cando se dispoñían a ler  a voz alzada un manifesto, comezaron os altercados.

O grupo de actuación de antidisturbios da Policía Nacional comezou a cargar contra os alí presentes sen motivo aparente. As víctimas das cargas policiais :todos aqueles que se atopasen no seu camiño, manifestantes ou non, sen diferenza de idade, sexo ou fisionomía. Violencia gratuíta sen control. Entres os feridos, atopábanse integrantes de asociación “O Pipote” e os seus acompañantes.  A xente era golpeada incontroladamente sen poder defenderse de ningunha maneira, mentres era atacada por pelotas de goma, porras e todo tipo de agresións físicas. Como resultado, 3 hospitalizados e ducias de feridos que tiveron que ser atendidos pola Cruz Vermella no propio estadio de Riazor. Un dos membros da asociación , mentras era atendido, presenciou como se abarrotaban de feridos as instalacións médicas do complexo deportivo, entre eles un home duns 50 anos acompañado da súa filla pequena, e unha rapaza de 19 anos coa cabeza aberta á que tiveron que coser con grapas de inmediato. Un deles segue ingresado na UCI.

O resultado final: Selección Galega :  3 – Selección de Irán : 2 . Un partido que quedará no recordo de todos nós como o máis radical de todos dende a creación da Selección .

Fonte: Kaosenlared.net / La Voz de Galicia / El Correo Gallego/ TVG

Fotos da carga policial publicadas en Superhincha.blogspot.com:

Vídeo TVG:

Fragmento de Vieiros:

“O cuarto partido da época moderna da selección galega deixa a segunda vitoria de Galiza e a presentación en sociedade de Nacho Novo como o mellor punta de lanza e un dos mellores xogadores cos que conta hoxe o fútbol no noso país. No que rodea ao encontro, Riazor fíxose un pouco grande para os afeccionados que foron ver á irmandiña e que só encheron de forma física a metade do campo, mais os seus folgos non só asolagaron as bancadas do campo, senón que outro ano máis volveron levar a paixón irmandiña por todo o país: de Moaña a Ortigueira, pasando polo Barco; de Viveiro a Coristanco, con escala en Vilantime; en Pantón ou en Maceda hoxe haberá moitos veciños do país que, sen saber moi ben por que, sentiron ferver un arrepío ás nove menos dez da noite, cando o Riazor comezou a cantar a gorxa rachada o himno nacional galego.”

Os 3 autobuses que irán a Riazor mañá Sábado 27, sairán ás 15:30 h.  da Cafetería Castillo (Maceda)

Boa viaxe, felices festas e mellor partido!

Queridos “Pipotes” e amigos, queremos recordarvos que éste sábado día 27  sairemos dende Maceda para presenciar o gran encontro: o partido da selección galega. O estadio de Riazor tremerá coa actuación do Pipote e os seus colegas, que non pararemos nin un intre animando e festexando por todo o alto. A gran festa está ó caer, e dende  a asociación xa temos todo listo.

Como novedades a resaltar, podemos citar o cambio de contrincante masculino que finalmente será a selección de Irán, en lugar de Chile, e o contrincante femenino que tamén sufre variación:  neste caso o novo rival será Illes Balears, en lugar de Euskadi. Lembrámosvos que aínda podedes facer a reserva da vosa praza na Cafetería Castillo ata o día 25.

Seguide atentos porque  pronto publicaremos os horarios de saída dende Maceda cara A Coruña e as posibles paradas en Ourense.

¡¡¡¡Felices Festas a todos en nome da Asociación Xuvenil Cultural “O Pipote”!!!!!

Cartaz definitivo:

+ Información: Web Oficial do encontro

Vídeo promocional do partido:

A Coruña – Riazor

A asociación O Pipote organiza a viaxe ó partido da selección como xa é sabido por todos vós. Unha viaxe que é todo un éxito e que vai xa pola súa 3ª edición,reunindo a xente de tódalas idades de Maceda e arredores, para transportalos cara un espectáculo que cada ano se disputa nos mellores estadios da nosa comunidade. Será un partido intenso e de calidade entre a nosa selección e a selección de Chile, que de seguro competirán ó máximo neste derbi para deixar a súa nación por todo o alto.

Neste caso será un encontro que terá lugar na cidade da Torre de Hércules, no estadio de Riazor. Será o sábado 27 de decembro, e partirán os autobuses dende Maceda cara A Coruña, na tarde dese mesmo día para voltar ó finalizar o evento.  Os horarios ata o momento están sen fixar. Seguramente faremos unha paradiña nas Lagoas para que se sumen a esta festaza do fútbol os nosos siareiros ourensáns.

Polo momento podedes ir reservando a vosa praza na Cafetería Castillo de Maceda ata o día 25 de Decembro, no que se pechará finalmente o prazo de inscrición.

Viaxe ida e volta + Entrada ó partido = 12€uros

Non lle falles á “Festa do Fútbol: Diversión asegurada, Espectáculo de 1ª!!!”

O Primeiro ano…..           1 bus

Segundo ano….              2buses

Terceiro ano…. ¿3 buses?

]]> http://opipotemaceda.wordpress.com/2008/11/25/partidazo-2008-seleccion-galega-contra-chile/feed/ 0 diegodf partidosellec http://opipotemaceda.wordpress.com/2008/11/22/mais-fotos-do-castanazo-08/ http://opipotemaceda.wordpress.com/2008/11/22/mais-fotos-do-castanazo-08/#comments Sat, 22 Nov 2008 14:33:25 +0000 Adrián(Ñ) http://opipotemaceda.wordpress.com/?p=402 ]]>

Aqui vos deixo outras fotos do Castañazo, pouco a pouco iremos ordenando todo e pondo masi fotos si e posible.

46 Fotos + doCastañazo o8

Pois si, da man da Rede Galega de Locais de Ensaio , en concreto dende a sua web Nsaio (www.nsaio.com), chéganos uns vídeo do noso Castañazo 08 de Maceda. Disfrutade desta marabilla todos, tanto os que estivestes ó pé do escenario como os que non tivestes o privilexio de estar con nós este día tan especial.

Para ver o vídeo entrade na súa web picando AQUÍ.

O vídeo está agora mesmo na páxina principal, mais adiante será movido á súa zona de vídeos multimedia.

Ademais, o prometido: unhas fotiños que non veñen nada mal. Gazas a todos os que colaborastes!!

Galería de Fotos Castañazo 08´. Pica para ver a fotos.

Entrevista e Novo vídeo de LA CX Band no Castañazo 08´de Maceda:

Pica este enlace! (video + entrevista)

Entrevista a Guezos no Castañazo 08 de Maceda:

Pica este enlace para ver o vídeo e a entrevista!

Bonus: outro video de regalo: Sin Konzienzia en Maceda (Castañazo 08):

Eran as 11 a.m. do día 1 de novembro e algúns integrantes da asociación O Pipote xuntabámonos no recinto do magosto alternativo. Estaba chovendo. Pouco pero chovía, e pola noite anterior tamén caeron bastantes gotas.

Esto non pintaba nada ben e non tiña pinta de parar. O palco xa estaba montado e a carpa e o toldo do bar tamén. O plan B, por si chovía (que non coincidía coa previsión obtida anteriormente), era inviable por falta de tempo material, tanto para montar unha carpa xigante para a chuvia, como trasladar todo o conxunto a un polideportivo cercano.

Os operarios e técnicos de luces e son de Prosoda, que se acercaron ó lugar ó mediodia para comenzar a montaxe de todo o equipo non estaban convencidos. A chuvia intensificábase. “Non podemos montar así chovendo, é de tolos ,e ademais hai risco de calambrazos e curtocircuítos pola auga“. Os pipotes desanimados non deixabamos de mirar ó ceo e ver como as nosas ilusións e esforzos se botaban a piques.

“Ás tres da tarde, volveremos ó recinto todos xuntos e tomaremos unha decisión “. O tempo pinta moi malo.

Un pouco antes de esa hora a chuvia cesaba. O ceo nubrado parecía escoitar as nosas suplicas e dábanos un receso. As 3.00 p.m. , a pesares da inestabilidade meteorolóxica decidimos arriscalo todo a dobre ou nada. Estaban en xogo moitos cartos e esforzos de todos nós.

Os técnicos comezan a montaxe do equipo de luces e son no escenario do Castañazo, e o ceo, a medida que avanza o día, vai clarexando chegando incluso a saír os raios de sol por uns intres. O milagre do Castañazo será recordado por todos nós. “Chove en todos os lados menos en Maceda”, decían algúns. Era incrible pero certo. As previsións metereolóxicas para o día volvían polo seu cauce. As ilusión voltaban a todos nós e retomábamos con máis forza que nunca a organización ultimando todos os detalles.

Comezan a chegar os grupos: Cuchufellos son os primeiros seguidos de Guezos. Máis tarde chegan as bandas de Madrid: La Cx Band e Sin Konzienzia. Comezan tamén as probas de son de todos os grupos por orde inversa á actuación, durante toda a tarde.

Os da asociación non paramos, de aquí para alá. Non podiamos creer que todo estivese a punto. Comeza a congregarse bastate xente, entre artistas e demais curiosos.

Son as 8 p.m. e no recinto hai bastante movemento, sobre todo na zona do Bar. De alí a un pouco comezan a tocar os Sin Konzienzia tra-la presentación conxunta de Carlos e María. A xente está famenta. Decidimos comezar a dar de comer ás 8.45 p.m.

Os comensais vanse situando na zona de mesas cuberta cunha carpa habilitada para tal fin, e van servindose dos pipotes o viño para que a empanada e chourizo baixen mellor. De postre bica e licor café de casa. Non deixa de chegar xente e mais xente. Esto é un non parar.

Fogatas, pulpeiro, zona de bar, carpa para a zona de comida, escenario cuberto con prolongación e carpa para o técnico de son. Todo perfactamente montado e distribuído.

Servíronse máis de 350 menús, e aproximadamente 600 persoas pasaron polo Castañazo 08´ de Maceda na súa primeira edición ó longo de toda a xornada festiva. Algo que superou toda previsión. O Bar tivo que ser pechado ás 3 a.m. do domingo por esgotarse absolutamente todo, ata a última botella de whisky e botellin de cervexa. A xente estaba sedenta, e é que un evento así non se vive tódolos días.

En resumo: todo un éxito. Algo inesperado. Todo saíu realmente ben e a xente estaba moi contenta: integrantes da asociación, colaboradores, artistas, comensais e espectadores…todos moi satisfeitos.

Os concertos foron tamén todo un exitazo, resaltando a participación do público, especialmente no de Cuchufellos, na que moitos dos alí presentes se subiron ó escenario para sacar fotos cós artistas e como non, para cantar: “Que bote, que bote…que bote O PIPOTE!!” . A animación que tivo lugar no Bar ó remate dos concertos tampouco estivo nada mal e mais de algún escachaba coa risa.

Unha nova forma de revivir as Noites de Folk, có Castelo como fondo e na época dos magostos e do noso patrón de Ourense, o San Martiño.

Pronto teredes unhas fotiños do Castañazo 08´.

Non podemos despedirnos sen decir que xa estamos traballando para a próxima edición, así como a viaxe para o partido da  Selección Galega que terá lugar moi pronto e que a asociación O Pipote de Maceda tamén organiza.

Por suposto os nosos agradecementos:

-Radio Galega

-La Voz de Galicia

-Concello de Maceda

-Maceda Virtual

- La Cx Band

- Sin Konzienzia

-Guezos

-Cuchufellos

-María Conde

-Prosoda

-Komunikando.net

-Vieiros

-Isca gz

-ghastaspista.com

-Malquemer

-Nsaio.org

-Radiofusion.eu

-silvereagles.es

-Web Santirso

-polabase.net

-…e a todos os que nos deixamos sen nomear, e que colaboraron con nós para dar a coñecer esta nosa/vosa festa. E sobre todo gracias a todos vós por estar ahí dándoo todo. Esperámosvos para o ano a todos. Seremos moitos máis e mellor!

Un saúdo e seguide atentos a www.OpipoteMaceda.Tk