Ese era o lema das nosas camisetas das Festas das Neves deste ano, que por certo foron bastante acertadas, xa que todos quedamos con ganas de máis festa (para variar). Á xente gustaronlle moito,e por un día a coñecida marca de cigarrillos, converteuse no medio para dar a coñecer a nosa asociación: O Pipote, e o noso pobo: Maceda. Así que non descartamos lanzar unha nova tirada se as peticións seguen como hasta agora. Os pipotes de viño que as acompañaron o venres das festas, conducidos polas rúas de Maceda adiante polo noso querido amigo “Panuchi”, fixeron que O Pipote estivera unha vez máis dando guerra na praza do pobo, acudindo á cea popular, da que por desgracia todos os integrantes que acudimos a ela quedamos moi a disgusto. A comida chegou tarde, mal, e nunca. Tras case 2 horas de espera en balde, o bar da Manola serviu unha vez máis para calmar o noso apetito.
Este ano o deporte tamén estivo presente nas festas. O Pipote, xunto coa nosa asociación veciña O Cruceiro, organizamos un pequeno torneo de bolei-praia, que tivo lugar nas piscinas do pobo nada máis comezar as festas (para que non todo sea troula). Tivo unha gran acollida , xa que participaron máis de medio cento de persoas, e repartíronse un total de 300 euros en premios.
Cabe destacar tamén , a gran acollida da orquesta Ledicia que gustou a novos e non tanto, así como a xa coñecida ruta que os Festicultores fan pola rúa principal. Foron unhas festas moi movidas, con xente de disitintos lugares da península e na que os nosos pipotes de fóra (andaluces, cataláns, vascos..), voltan para gozar das festas de Maceda a tope! Este ano os das brigadas tamén felices porque non arde nada (moito mellor así)!
E tralas neves chegou a Feira Medieval, que encheu a rúa do medio e arredores de postos de artesanía e productos vencellados, e na que non faltaron as míticas pulseiras e avalorios. Os concertos folk e o préstamo de disfraces medievais do Concello, déronlle un gran punto a favor á feira que non estivo nada mal e estamos seguros que o vindeiro ano terá unha maior acollida aínda. O verán contínua e non dá rematado! As festas dos pobos de arredor de Maceda séguennos tentando cada noite a deixar a cama sola,e aínda nos quedan as novenas e a metade de Agosto! Para os máis futboleiros, decir que pronto volverá a estar activa a nosa sección de Atlético Pipote, na que o noso colaborador habitual (M.G.G.) pronto vos detallará as últimas novas e fichaxes de última hora do Atlético Pipote.
E polo momento nada máis que dicir,eso si, non deixedes de visitar :
” www.OpipoteMaceda.Tk “
Saúdos pardales!
